Əlaqə: (012) 497-46-21 [email protected]

ATV.AZ×

Orfoqrafiya qaydaları təsdiqləndi - Bu sözlər belə yazılacaq

Orfoqrafiya qaydaları təsdiqləndi - Bu sözlər belə yazılacaq
3904 dəfə oxunub
"Azərbaycan dilinin Orfoqrafiya Normaları” təsdiq edilib.
 
ATV.az  xəbər verir ki,  Baş nazir Novruz Məmmədovun qərarına əsasən, yeni Normaların təsdiqlənməsi ilə əlaqədar Nazirlər Kabinetinin 2004-cü il 5 avqust tarixli qərarı ilə təsdiqlənən  "Azərbaycan dilinin orfoqrafiya qaydaları” ləğv edilib.
 
Yeni normalar isə belədir.
 
 1.   Azərbaycan mənşəli sözlərin yazılışı 
 
1.1. Azərbaycan dilinin lüğət tərkibindəki Azərbaycan mənşəli sözlər, əsasən, tələffüz edildiyi kimi yazılır: addım, dəniz, gəlin, günəş, qoşun, oğul, qaranquş və s.
 
1.2. Son səsi [x], bəzən də [ğ] kimi tələffüz olunan Azərbaycan mənşəli sözlər q hərfi ilə yazılır: ayaq, bar­maq, bulaq, dayanacaq, qatıq, qonaq, qorxaq  və s. Bu qəbildən olan sözlərə saitlə başlanan şəkilçi qoşulduqda q~ğ əvəzlənməsi baş verir: ota­­­ğa, bulağın, qonağımız və s.
 
1.3. Son səsi [xʹ] kimi tələffüz olunan çoxhecalı Azərbaycan mənşəli sözlər k hərfi  ilə yazılır: bilək, birlik, külək, ürək, üzərlik, üzük və s. Bu qəbildən olan sözlərə saitlə başlanan şəkilçi qoşulduqda k~y əvəzlənməsi baş verir: biləyi, bir­li­yimiz, ürəyim,  üzüyün  və s.
 
Qeyd.  Son səsi [k]  kimi  tələffüz  olunan  alınma  sözlərə  saitlə başlanan  şəkilçi qoşulduqda heç bir dəyişiklik baş vermir:  əmlak – əmlaka,  iştirak – iştirakımız, şərik – şəriki və s.
 
1.4. Son səsi [t], bəzən də [d] kimi tələffüz olunan çoxhecalı Azərbaycan mənşəli sözlər d hərfi ilə yazılır: bulud, palıd, söyüd  və s.
 
1.5. Son səsi [ç], bəzən də [c] kimi tələffüz olunan sözlər c hərfi ilə yazılır: qılınc, ülgüc, kərpic və s.
 
                                         2. Alınma sözlərdə saitlərin yazılışı
 
 2.1. Tərkibində o hərfi olan alınma sözlər [a] və ya [o] ilə tələffüz edilməsindən asılı olma­ya­raq, o ilə yazılır: avtomat, kollec, kollektiv, laborant, Moskva, motor, obyekt, Odessa, poema, poeziya, problem, pro­fes­sor, solist, velosiped və s.
 
2.2. İkinci hecasındakı saiti [i], bəzən də [ü] kimi tələffüz olunan ərəb mənşəli sözlər tarixi-ənənəvi prinsipə əsasən i ilə yazılır: külli, müdir,  müdrik, müflis, müxbir, müxlis, münbit, münsif, mürid, mürşid, müsibət və s.
 
Qeyd.  Mühüm, müşkül  və üfüq sözlərindəki ikinci heca ü hərfi ilə yazılır.
 
2.3. Mənbə dildə [u] saitli alınma sözlər ü hərfi ilə yazılır: bülleten, büro, jüri, karbürator, kompüter,  paraşüt, süjet, şlüz və s.
 
2.4. Mənbə dildə a hərfi ilə bitən alınma sözlər iki cür yazılır:
 
2.4.1. aksiom, anket, ap­tek, atmosfer, diaqram, diaspor, fab­­rik, fonem, kaset, kayut, konfet, kontor, qəzet, qrafem, qravür, leksem, lent, ma­şın, perspektiv, planet, proqram, pyes, reklam, rezin, sistem, sis­tern, sitat, teorem, vitrin və s. kimi sözlərin sonunda a hərfi yazılmır;
 
Mənbə dildə tərkibində qoşa b, p, n və m samitləri olan aşağıdakı sözlərin sonunda a ilə yanaşı, qoşa samitlərdən biri də atılır: abreviatur, qrup, ton, diaqram, stenoqram və s.
 
2.4.2. botanika, doktrina, forma, kamera, qram­ma­tika, norma, poetika,  poeziya, respublika, taktika və s. kimi sözlərin sonunda a yazılır.
 
2.5. Mənbə dildə birhecalı sözlər iki cür yazılır:
 
2.5.1. iki saitlə yazılanlar: cisim, eyib, ətir, feil, fəsil, fikir, heyif, isim, izin, qəbir, qədir, qisim, meyil, nəsil, ömür, səbir, sətir, sinif, şeir,  şəkil, zehin və s.;
 
2.5.2. bir saitlə yazılanlar: cəbr, əmr,  həbs, həsr, hökm, hüsn, hüzn, kəsr, qəbz, qəhr, qəsr, nəbz, nəfs, nəsr, sehr, sədr, üzr, üzv, zülm və s.
 
                         3. Alınma sözlərdə samitlərin yazılışı 
 
3.1. Rus dilində tərkibində ц hərfi olan alınma sözlərin ya­zı­lışında aşağıdakı qaydalar əsas götürülür:
 
3.1.1. ümumi isimlər s hərfi ilə yazılır: aseton, dosent, konsert, lisey, kulminasiya, aksiya, sement, sirk və s.;
 
Qeyd. Metso, vitse morfemləri və blits, ratsiya  və s. sözlər istisnadır.
 
3.1.2. xüsusi isimlərdə sözün əvvəlində s (Setkin, Siolkovski və s.), sözün ortasında və axırında isə ts (Motsart, Muromets, Vorontsov  və s.) yazılır.
 
3.2. Rus dilində tərkibində щ hərfi olan alınma sözlərin yazılışında aşağıdakı qaydalar əsas götürülür:
 
3.2.1. sözün əvvəlində və sonunda işlənən щ hərfi əvəzinə ş yazılır: Şedrin, Şerba, Şors, borş və s.;
 
3.2.2. ortasında щ hərfi olan sözlər qoşa ş ilə yazılır: meşşan, Vereşşagin və s.
 
3.3. H samiti ilə başlanan alınma sözlər h ilə yazılır: Haaqa, Hamburq, har­mo­ni­ya, Havana, Hegel, hektar, Heyne, hidrogen, hippodrom, hospital, humanizm və s.
 
3.4. Birinci və ikinci hecasındakı samiti həm [m], həm də [n] kimi tələffüz olunan alınma sözlər n ilə yazılır: anbar, günbəz, İstanbul, qənbər, sünbül, şənbə, tənbəl, zanbaq, zənbil və s. 
 
3.5. -iy, -skiy ilə bitən xüsusi isimlərin sonundakı y yazılmır: Qordlevski, Qorki, Mayakovski, Yaroslavski və s.
 
3.6. Kimyəvi element adları əslinə uyğun olaraq yazılır: kalium, maqnezium, natrium və s.
 
3.7. Əsli [c] samitli alınma sözlər c ilə də yazılır: Cek London, cemper, Siciliya və s.
 
3.8. Əsli [q] samitli alınma sözlər incə saitli hecalarda g ilə yazılır: biologiya, dialek­to­lo­giya, general, genezis, geologiya, gigiyena, etimologiya, gitara və s.
 
3.9. Əsli w samitli alınma sözlər v hərfi ilə yazılır: veb-sayt, Vilyam, vörd və s.
 
3.10. Son səsi [kʹ] kimi tələffüz olunan bir qrup alınma sözlər q hərfi ilə yazılır: filoloq, ittifaq, müstəntiq, natiq, şəfəq, üfüq, vərəq və s. Bu qəbildən olan sözlərin sonuna saitlə başlanan şəkilçi qoşulduqda, yazıda heç bir də­yi­şik­lik baş vermir: filoloqa, şəfəqi, üfüqə və s.
 
                                4. Qoşasaitli və qoşasamitli sözlərin yazılışı
 
 4.1. Kökündə eynicinsli qoşa və müxtəlifcinsli sait işlənən alınma sözlər qoşa saitlə yazılır: ailə, bədii, camaat, əcaib, əmtəə, ideal, maaş, müalicə, okean, saat, stadion, zəif və s.
 
4.2. Hecalarından biri [p] samiti ilə bitən, sonrakı hecasının ilk samiti [b] kimi tələffüz olunan sözlər qoşa p ilə yazılır: guppultu, hoppanmaq, şappıltı, tap­­pıl­tı, toppuz  və s.
 
4.3. Hecalarından biri [k] samiti ilə bitən, sonrakı hecasının ilk samiti [g] kimi tələffüz olunan sözlər qoşa k ilə yazılır: mürəkkəb, mütəkkə, səkkiz və s.
 
4.4. Hecalarından biri [t] samiti ilə bitən, sonrakı hecasının ilk samiti [d] kimi tələffüz olunan sözlər qoşa t ilə yazılır: əlbəttə, hətta, Səttar və s.
 
4.5. Hecalarından biri [kʹ] samiti ilə bitən, sonrakı hecasının ilk samiti [q] kimi tələffüz olunan sözlər qoşa q ilə yazılır: diqqət, doqquz, nəqqaş, saqqal və s.
 
4.6. Mənbə dildə tərkibində qq, ll, mm, pp, tt samitləri olan Avropa mənşəli aşağıdakı alınma sözlər bir samitlə yazılır: aqlütinativ, paralel, teleqram, aparat, apelyasiya, vat və s.
 
4.7. Təkhecalı sözlərin sonunda qoşa samitin hər ikisi yazılır: fənn, haqq, hiss, xətt, küll, rədd, sirr, zənn, zidd və s.
 
Belə sözlərə samitlə başlanan şəkilçi artırıldıqda, qoşa samitlərdən biri düşür: fənn – fənlər, haqq – haqsız, xətt – xətdən, sirr – sirlər və s. 
 
Qeyd. Hiss və küll sözləri istisnadır. Hiss sözünə yalnız -siz şəkilçisi artırıldıqda, kökdəki s samitlərindən biri ixtisar olunur.
 
4.8. Mənbə dildə qoşa samitlə bitən iki və ya çoxhecalı sözlər bir sa­mit­lə yazılır: hüsnxət, kilovat, mühüm, rəsmxət və s.
 
4.9. Söz ortasında qoşa s samiti olan aşağıdakı alınma sözlər bir s ilə yazılır: aksesuar, kaset, masaj, pasaj, şose.
 
4.10. Söz sonunda qoşa s samitli aşağıdakı alınma sözlər bir s ilə yazılır: ekspres, konqres, kros, bras, stres.
 
Qeyd. Press (mətbuat) sözü istisnadır. 
 
                                             5. Şəkilçilərin yazılışı
 
 5.1. Tərkibində a-, anti-, ba-, bi-, na-, pre- ön şəkilçiləri olan sözlər bitişik yazılır: anormal, antivirus, baməzə, bisavad, nalayiq, prepozisiya və s.
 
Qeyd. Anti şəkilçisindən sonra xüsusi isim gəldikdə, defis işarəsi qoyulur: Anti-Azərbaycan, Anti-Rusiya və s.
 
5.2. Sözdüzəldici şəkilçilər aşağıdakı üç qaydaya əsasən yazılır:
 
5.2.1. ahəng qanununa tabe olmayan və bir cür yazılan şəkilçilər:
 
-i şəkilçisi: samitlə bitən sözlərdə -i; cənubi, daxili, elmi, həyati, Naxçıvani, şimali, Şirvani, tarixi və s; saitlə bitən sözlərdə isə şəkilçinin əvvəlinə v samiti artırılır: ailəvi, dairəvi, Gəncəvi,                  kütləvi  və s.;
 
-vari şəkilçisi: buynuzvari, qalxanvari, üzükvari, yüngülvari              və s.;
 
-keş şəkilçisi: qayğıkeş, zəhmətkeş, cəfakeş;
 
-daş şəkilçisi: yoldaş, əməkdaş, yurddaş, soydaş;
 
-stan şəkilçisi: samitlə bitən sözlərdə şəkilçinin əvvəlinə ahəng qanununa uyğun olaraq ı, i, u, ü saitlərindən biri artırılır: Dağıstan, Türkmənistan, Monqolustan, Türküstan; saitlə bitən sözlərdə isə şəkilçi olduğu kimi qalır: Gürcüstan;
 
-gil şəkilçisi: bacımgil, xalamgil, Əhmədgil və s.;
 
-zadə şəkilçisi: xanzadə, bəyzadə, Axundzadə və s.;
 
5.2.2. iki cür yazılan şəkilçilər:
 
kar samitlə bitən sözlərdə: -qan, -kən; cingiltili samitlə bitən sözlərdə -ğan, -gən şəkilçisi: çalışqan, yapışqan, döyüşkən, sürüşkən,  deyingən və s.;
 
-ağan, -əyən şəkilçisi: qaçağan, güləyən, küsəyən və s.;
 
5.2.3. dörd cür yazılan şəkilçilər:
 
-kı, -ki, -ku, -kü şəkilçisi: axşamkı, bildirki, səhərki,  gündüzkü və s.;
 
sifət və isim düzəldən -ı, -i, -u, -ü şəkilçisi: darçını, badımcanı, narıncı, çərkəzi, armudu, gümüşü və s.;
 
saitlə bitən sözlərdə bu şəkilçinin əvvəlinə y samiti artırılır: bənövşəyi, buğdayı, xurmayı, sürməyi və s.
 
5.3. Feil köklərindən isim və sifət düzəldən şəkilçilər:
 
5.3.1. kar samitlə bitən sözlərdə:
 
-qı, -ki, -qu, -kü şəkilçisi: asqı, seçki, pusqu, sürtkü və s.;
 
-qın, -kin, -qun, -kün şəkilçisi: satqın, bitkin, tutqun,                 ötkün və s. ;
 
5.3.2. cingiltili samitlə bitən sözlərdə:
 
-ğı, -gi, -ğu -gü şəkilçisi: çalğı, vergi, vurğu, bölgü və s.; 
 
-ğın, -gin, -ğun, -gün şəkilçisi: qırğın, əzgin, yorğun, süzgün və s.
 
5.4. Rəqəmlə yazılan miqdar saylarına mənsubiyyət və hal şəkilçiləri əlavə edildikdə, şəkilçidən əvvəl defis qoyulur: 2-yə, 3-də, 5-i, 6-nın, 17-si, 20-dən. Rəqəmlərdən sonra ahəng qanununa görə sıra sayının şəkilçisi ixtisarla (-cı, -ci, -cu, -cü) yazılır: 2-ci, 3-cü, 6-cı, 10-cu.
 
5.5. Roma rəqəmlərindən sonra şəkilçi yazılmır: beşinci – V, onuncu – X və s.
 
                                      6. Mürəkkəb sözlərin yazılışı
 
6.1. Aşağıdakı hallarda sözlər bitişik yazılır:
 
6.1.1. bir vurğu ilə deyilən müxtəlifmənalı sözlər: arabir, balacaboy, beşillik, beş­mər­təbəli, bugünkü, dilucu, əmioğlu, bacıoğlu, xalaoğlu, gülərüz, günəbaxan, hərgecəki, köhnəfikirli, qalxanabənzər, qanunvericilik, qara­saç­lı, qurultayqabağı, müxtəliftərəfli, özbaşınalıq, soyuqqanlı, ucdantutma, ümum­b­ə­şə­ri, yenifikirli və s.;
 
6.1.2. eyni feil kökünün təkrarı və a, ə, ha bitişdiriciləri vasitəsilə yaranan mürəkkəb isimlər: qaçaqaç, kəsəkəs, gəlhagəl, tutatut, vurhavur və s.;
 
Qeyd. Sözün kökü kar samitlə bitdikdə, ahəng qanununa görə a, ə, cingiltili samitlə bitdikdə isə ha bitişdiricisi yazılır. Gethaget sözü istisnadır.
 
6.1.3. eyni sözün təkrarı və ba, bə bitişdiriciləri vasitəsilə yaranan mürəkkəb zərflər: addımbaaddım, aybaay, günbəgün, ilbəil və s.
 
6.2. Tərkibində aero-, aqro-, audio-, avia-, avto-, ekzo-, endo-, elektro-, foto-, makro-, mikro-, mini-, mono-, multi-,       nano-, neo-, oksi-, oliqo-, paleo-, para-, post-, proto-, psevdo-, psixo-, stereo-, super-, tele-, termo-, trans-, ultra-, ümum- morfemləri olan mürəkkəb sözlər bitişik yazılır: aeroklub, aqromüxtəliflik, audioəlaqə, aviasalon, avtopark, endoplazma, mikrocərrahiyyə, elektromaqnit, fotoçəkiliş, miniavtobus, monopredikativ, monokristal, multimilyonçu, nanotexnologiya, nanohissəcik, neofaşizm, neorealizm, oksitetrasiklin, oliqofreniya, paleoxəritə, paramaqnetizm, postsovet, psixonevroloji, postmodernizm, prototürk, stereotəsvir, superdövlət, supermarket, teletamaşa, termoaçar, transmilli, ultrasəs, ümumbəşəri və s.
 
Qeyd. Bu morfemlərin bəziləri xüsusi isimlərə qoşulduqda, defislə yazılır: trans-Asiya, trans-Avropa, trans-Avrasiya, trans-Qafqaz, paleo-Azərbaycan, proto-Azərbaycan, ümum-Azərbaycan, ümum-Avropa və s.
 
6.3. Tərkibindəki sözlərin səciyyəsindən asılı olaraq aşağıdakı mürəkkəb sözlər defislə yazılır:
 
6.3.1. qoşa sözlər: adda-budda, aşıq-aşıq, az-maz, dedi-qodu, əzik-üzük, həlləm-qəlləm, kağız-kuğuz, qara-qura, qonaq-qara, sür-sümük və s.;
 
6.3.2. tərkibində art-,  eks-,  əks-,  kontr-,  qeyri-, ober-, veb-, vitse- morfemləri olan mürəkkəb sözlər: art-obyekt, eks-prezident, əks-səda, kontr-admiral, qeyri-adi, qeyri-iradi, ober-leytenant, veb-dizayner, veb-səhifə, vitse-admiral;
 
6.3.3. izafət birləşmələri: həddi-büluğ, külli-aləm, külli-ixtiyar, nöqteyi-nəzər, tərcümeyi-hal, tərzi-hərəkət və s.;
 
6.3.4. mürəkkəb coğrafi sözlər: cənub-qərb, şərq-qərb, şimal-şərq və s.;
 
6.3.5. tərkibində mənaca bir-birinə yaxın və ya əks anlayışları bildirən sözlər: ab-hava, adlı-sanlı, ağıllı-kamallı,  az-çox,  baş-ayaq, dərə-təpə, dinməz-söyləməz, elə-belə, gec-tez, iki-üç, naz-qəmzə, nəvə-nəticə,  ölüm-itim, pis-yaxşı, söz-söhbət, təhvil-təslim, ucsuz-bucaqsız və s.;
 
6.3.6. ölçü vahidlərini bildirən isimlər: kiloelektron-volt, kilovat-saat, qram-kalori və s.;
 
6.3.7. birinci tərəfi sifətin dərəcə əlaməti kimi işlənən açıq və tünd sözlərinin, eləcə də müəyyən məna çaları bildirən ala sözünün iştirakı ilə yaranan mü­rək­kəb sifətlər: açıq-sarı, tünd-göy,  ala-seyrək və s.
 
Qeyd. Tərkibində təhər morfemi olan sifətlər istisnadır: bu cür sözlər bitişik yazılır: göytəhər, sarıtəhər və s.
 
                                            7. Köməkçi sözlərin yazılışı
 
 7.1. İdi, imiş, ikən köməkçi sözləri adlardan (isim, sifət, say, əvəzlik), saitlə bitən zərflərdən və feillərdən sonra ayrı, samitlə bitən feillərdən sonra həm ayrı, həm də ilk saiti buraxılaraq, şəkilçiləşmiş variantlarda bitişik yazılır: uşaq idi,  uşaq ikən, uşaq imiş, gəlirkən, gəlirmiş, gəlməli idi, gəlməli ikən, gecə idi, gecə ikən, gəlməli imiş,  gəlmiş imiş, gəlmişdi və s.
 
Qeyd. Saitlə bitən feillərdən sonra gələn bu köməkçi sözlər ilk saiti buraxılaraq, y bitiş­diri­cisinin əlavəsi ilə bitişik də yazıla bilər: almalıydı, gəlməliymiş, alaydı, alasıydı, gəl­mə­liy­di və s.
 
7.2. Qoşmalar iki cür yazılır:
 
7.2.1. təkhecalı qoşmalar (-can, -cən, -dək, -tək) aid olduqları sözə bitişik yazılır: dağacan, evəcən, küçəyədək, quştək və s.;
 
7.2.2. ikihecalı qoşmalar (ilə, kimi, qədər, ötrü, təki, üçün) aid olduqları sözdən ayrı yazılır: gəmi ilə, adam kimi, ondan ötrü, sənin təki, şagird üçün və s. 
 
 Qeyd. 1. İlə qoşması samitlə bitən sözlərdə ahəng qanununa uyğun olaraq -la, -lə şəklində bitişik yazıla bilər: qatarla, qələmlə    və s.
 
2. Etibarilə, məqsədilə, münasibətilə, vasitəsilə sözləri bitişik yazılır.
 
7.3. Mənşəcə mürəkkəb olan bağlayıcılar bitişik yazılır: çünki, habelə, halbuki, həmçinin, hərçənd, hərgah, nəinki, yaxud, yainki              və s.
 
7.4. Tərkibi bağlayıcılar və bağlayıcı sözlər ayrı yazılır: belə ki, buna görə, bu­na görə də, bunun üçün, bununla da, daha da, guya ki, həm də, odur ki, ona görə də, ona görə, onun üçün də, tutaq ki, və ya, və yaxud, kim ki, o zaman ki, onda ki və s.
 
7.5. Ədatlar aid olduqları sözlərdən ayrı yazılır: daha gözəl, dedim də, di get, ən yaxşı, gör ha, lap pis, sən ki və s.
 
-mı, -mi, -mu, -mü; -sana, -sənə, -ca, -cə ədatları aid olduqları sözlərə bitişik yazılır: Qəşəngdirmi? Oxudumu? A kos-kosa, gəlsənə, torbanı doldursana! Yaxşıca dincəldim. İndicə gəlmişik və s.  
 
7.6. Eyni nidanın təkrarından əmələ gələn nidalar defislə yazılır: bəh-bəh, ha-ha-ha, pəh-pəh, uy-uy, vay-vay və s.
 
7.7. Müxtəlif sözlərdən əmələ gələn nidalar ayrı yazılır: ay aman, ay haray.
 
                             8. Birinci hərfi böyük yazılan sözlər
 
8.1. Ad, soyad, təxəllüs və ləqəb bildirən sözlərin (bəy, oğlu və qızı sözlərindən başqa) birinci hərfi böyük yazılır: Nizami Gəncəvi, İmadəddin Nəsimi, Uzun Həsən, Şah İsmayıl Xətai, Məhəmməd Füzuli, Mirzə Fətəli Axundzadə, Xan qızı Natəvan, Süleyman Sani Axundov, Üzeyir bəy Əbdülhüseyn oğlu Hacıbəyli, Mehdi Hüseynzadə, Sə­məd Vurğun, Süleyman Rüstəm, Bəxtiyar Vahabzadə və s.
 
Qeyd. Xüsusi isimlər cəm şəkilçisi qəbul etdikdə də böyük hərflə yazılır: Nizamilər, Füzulilər, Hacı Qaralar, Həzi Aslanovlar, Mehdi Hüseynzadələr və s.
 
8.2. Bədii əsərlərdə heyvanlara və cansız əşyalara verilən adlar böyük hərflə yazılır: Alapaça, Badə, Bəng, Bozdar, Qırat, Məstan və s.
 
8.3. Tarixi hadisələrin, dövrlərin, sülalələrin, eləcə də qədim yazılı abidələrin və s. adlarının birinci sözünün ilk hərfi böyük yazılır: Azadlıq meydanı, Çaldıran döyüşü, Dəmir dövrü, Orxon-Yenisey abidələri, Sasanilər dövrü, Səfəvilər sülaləsi, Şuşa qalası, Ver­sal sülhü, Vətən müharibəsi, Yeddiillik müharibə və s. Belə mürəkkəb adlara fərq­lən­di­ri­ci söz əlavə olunduqda, onun da birinci hərfi böyük yazılır: Orta Paleolit dövrü, Son Paleolit dövrü.
 
8.4. Ölkələrin, muxtar respublikaların, vilayət və diyarların rəsmi adlarının tərkibindəki bütün sözlərin ilk hərfi böyük yazılır: Azərbaycan Respublikası, Birləşmiş Ərəb Əmirlikləri, İran İslam Respublikası, Naxçıvan Muxtar Respublikası və s.
 
8.5. Səmavi kitabların, fəza cisimlərinin adları böyük hərflə yazılır: Quran, Bibliya, Əhdi-cədid, Əhdi-ətiq, İncil, Tövrat, Zəbur, Ülkər, Günəş, Ay, Yupiter, Saturn, Venera və s.
 
8.6. Yüksək dövlət vəzifələri (Azərbaycan Respublikasının Prezidenti, Azər­baycan Respublikasının Baş Naziri, Azərbaycan Respublikası Milli Məclisinin Sədri), nazirlik, komitə, birlik, cəmiyyət, qurum, akademiya, universitet, texnikum, teatr, filarmoniya, siyasi partiya, eləcə də tarixi günlərin və s. mürəkkəb adların tərkibindəki bütün sözlərin (adına, üzrə, yanında, qarşı kimi yardımçı sözlərdən başqa) birinci hərfi böyük yazılır: Azərbaycan Respublikasının Milli Məclisi, Azərbaycan Respublikasının Nazirlər Kabineti, Azərbaycan Respublikasının Xarici İşlər Nazirliyi, Azərbaycan Milli Elmlər Akademiyası Nəsimi adına Dilçilik İnstitutu, Bakı Beynəlxalq Multikulturalizm Mərkəzi, Yeni Azərbaycan Partiyası, Müslüm Maqomayev adına Azərbaycan Dövlət Filarmoniyası, Azərbaycan Dövlət Nəşriyyatı, Bakı Şəhər İcra Hakimiyyəti, Ağstafa Rayon Təhsil Şöbəsi və s.
 
Qeyd. 1. Tərkibində gün sözü olan və təqvimə düşən əlamətdar günlərin adlarında bütün sözlər böyük hərflə yazılır: Beynəlxalq Ana Dili Günü, Beynəlxalq Qadınlar Günü, Dünya Azər­bay­can­lı­larının Həmrəyliyi Günü və s.
 
2. Məşhur tarixi gün və bayram adlarında yalnız birinci sözün ilk hərfi böyük yazılır:  İyirmi yanvar, İyirmi səkkiz may, Səkkiz mart, Qurban bayramı, Novruz bayramı və s. Həmin günlər rəqəmlə göstərilərsə, 20 Yanvar, 28 May, 8 Mart və s. rəqəmdən sonrakı birinci sözün ilk hərfi böyük yazılır.
 
3. Azərbaycan Respublikasının Səhiyyə naziri, Azərbaycan Respublikasının Kənd Təsərrüfatı naziri  tipli mürəkkəb adlarda sahə bildirən söz (Səhiyyə) böyük, vəzifə bildirən söz (nazir)  kiçik hərflə yazılır.
 
4. Tərkibində lisey, gimnaziya, vəqf, məktəb, fakültə, şöbə sözləri olan mürəkkəb adlarda ilk söz böyük, sonrakı sözlər kiçik hərflə yazılır: Avropa liseyi, Dəyanət vəqfi, Humanitar fənlər gimnaziyası, Humanitar siyasət məsələləri şöbəsi, Uşaq-gənclər şahmat məktəbi, BDU-nun Filologiya fakültəsi, Nəsimi adına Dilçilik İnstitutunun Terminologiya şöbəsi və s.
 
5. Tərkibində okean, dəniz, çay, göl, şəhər, rayon, qəsəbə, kənd, prospekt, meydan, küçə, xiyaban, saray, qala, türbə, qoruq, boğaz, düz, ada, burun, körpü, düzənlik, dağ, səhra, dərə sözləri olan adlarda ilk söz böyük hərflə yazılır: Sakit okean, Xəzər dənizi, Qara dəniz, Kür çayı, Baykal gölü, Bakı şəhəri, Salyan rayonu, Şüvəlan qəsəbəsi, Hökməli kəndi, Neftçilər prospekti, Azadlıq meydanı, Əhməd Cavad küçəsi, Şəhidlər xiyabanı, Səadət sarayı, Ramana qalası, Möminə xatun türbəsi, Şirvan qoruğu, Dardanel boğazı, Mil düzü, Nargin adası, Xudafərin körpüsü, Culfa düzənliyi, Kəpəz dağı, Qaraqum səhrası, İynə burnu.
 
8.7. Fəxri adların özək hissəsini təşkil edən ilk söz böyük hərflə, sonrakı sözlər kiçik hərflə yazılır: Əməkdar müəllim, Əməkdar incəsənət xadimi, Xalq şairi və s.
 
Qeyd. Azərbaycanın Milli Qəhrəmanı, Sovet İttifaqı Qəhrəmanı mürəkkəb adlarında hər üç söz böyük hərflə yazılır.
 
8.8. Orden, medal, bədii əsər, opera, balet, kinofilm, qəzet, jurnal, kinoteatr, mehmanxana, nəşriyyat, kafe, restoran və s. adları dırnaqda və böyük hərflə yazılır: "İstiqlal” ordeni, "Azərbaycan Bayrağı” ordeni, "Ata və oğul” povesti, "Yeddi gözəl” baleti, "Uzaq sahillərdə” filmi, "Azər­bay­can” qəzeti, "Cücələrim” kafesi, "Bahar” mağazası, "Badamlı”  mi­ne­ral suyu və s.
 
Qeyd. Dırnaqda yazılan belə adlara artırılan şəkilçi dırnaqdan kənarda yazılır: "Xalq qəzeti”nin bugünkü nömrəsi, "Yeddi gözəl”in ilk tamaşası və s.
 
8.9. Mirzə, hacı, şeyx, seyid, şah, sultan, bəyim və s. sözlər rütbə, ləqəb və titul bildirib, aid olduğu sözlərdən əvvəl gəldikdə böyük hərflə, sonra gəldikdə isə kiçik hərflə yazılır: Hacı Qara, Mirzə Fətəli, Nadir şah, Seyid Əzim, Sultan Süleyman, Şah İsmayıl, Şeyx Nəsrullah və s.
 
Qeyd. Ağa, bəy, xan, xanım sözləri insan adlarının tərkib hissəsi kimi işləndikdə bitişik yazılır: Ağacavad, Ağabəy, Əlibəy, Xanoğlan, Böyükxanım və s. Həmin sözlər adlara qoşularaq titul kimi və ya hörmət məqsədilə işləndikdə isə ayrı yazılır: Abbasqulu ağa Bakıxanov, Nəcəf bəy Vəzirov, Fətəli xan Xoyski, Fatma xanım  Kəminə və s.
 
                                    9. İxtisar və qısaltmalar
 
 9.1. İxtisar və qısaltmalar aşağıdakı kimi yazılır:
 
9.1.1. tam ixtisarlar və qısaltmalar aid olduqları sözlərə uyğun olaraq böyük hərflə yazılır: Azərbaycan Respublikası - AR, Birləşmiş Millətlər Təşkilatı - BMT, Milli Məclis - MM və s.;
 
9.1.2. tam ixtisarlar ümumi isimlərə aid olduqda kiçik hərflə yazılır: metr - m, cild - c, və sairə - və s., və başqaları - və b.;
 
9.1.3. yarımçıq ixtisarlar aid olduqları sözlərə uyğun olaraq, böyük və kiçik hərflərlə, mürəkkəb adların tərkib hissələri isə bitişik yazılır: akademik – akad., doktor – dok., dosent - dos., professor – prof., Azərbaycan Nəşriyyatı - Azərnəşr və s.
 
9.2. İxtisarlara əlavə edilən şəkilçilər son səsin tələffüzünə uyğun olaraq ya­zılır: AMEA-dan, MDB-nin, UNESKO-nun, İSESKO-da, BDU-ya  və s.
 
                        10. Sözün sətirdən sətrə keçirilməsi
 
10.1. Sözlər sətirdən sətrə hecalarla keçirilir: və-tən, mək-təb-li-lər və s.
 
Sözün bir saitdən ibarət olan hecasını sətrin sonunda saxlamaq və ya yeni sət­rə keçirmək olmaz: a-ilə, a-zadlıq, iddi-a və s. Bu qəbildən olan sözlər sətirdən sətrə bu şəkildə keçirilir: ai-lə, azad-lıq, id-dia və s.
 
10.2. Saylar rəqəmlə yazıldıqda, onlara artırılan şəkilçilər sətirdən sətrə ke­çi­ril­mir: 5-cilər, 7-ci, 9-da və s.
 
10.3. Mürəkkəb ixtisarlar və onlara artırılan şəkilçilər sətirdən sətrə keçirilmir.
 
10.4. Ad və ata adlarının bir hərfdən ibarət qısaltmalarını (M.F.Axundzadə, M.S.Ordubadi, Y.V.Çəmənzəminli və s.) sətrin sonunda saxlamaq olmaz.
 
ATV.az

BUNU DA OXU

Roy Kin milli yığmamıza başçılıq edə bilər? - AFFA-dan açıqlama
Yük yerində sərnişin keçirməyə cəhd olundu - VİDEO
DSMF-nin vəzifəli şəxsləri saxlanıldı - VİDEO
Qapalı məkanlarda diqqətli olaq - VİDEO
Ağdaşda 50 nəfərdən artıq şəxs xüsusi karantin qaydalarını belə pozub - VİDEO
Xəbər lenti

Tramp Boston terrorçusunun edamını tələb edir - ABŞ prezidenti məhkəmənin qərarı ilə razılaşmır
23:36 03.08.2020

Erməni saxtakarlığı davam edir - Müdafiə nazirliyinin adından saxta "Twitter" hesabı açılıb
23:12 03.08.2020

Şəmkirdə yük maşını ilə minik avtomobili toqquşdu - Yağışlı hava qəzaya səbəb oldu
22:59 03.08.2020

241 nəfər yoluxdu, 647 nəfər sağaldı - COVID-19 analizi müsbət çıxmış 6 nəfər vəfat edib
22:36 03.08.2020

İtaliya Azərbaycana tibbi missiya göndərir - 11 nəfərdən ibarət ölkəmizə gəlir
22:14 03.08.2020

Müsbət dinamikanı qorumaq bizim əlimizdədir - Belə olan halda, qaydalar daha da yumuşaldılacaq
21:56 03.08.2020

Erməni lobbisinin məğlubiyyəti - Azərbaycan diasporunun uğuru Paşinyanı sınaq qarşısında qoyub
21:21 03.08.2020

SMS icazə ləğv olunur - 5 avqustdan etibarən karantin rejimi yumşaldılacaq
21:17 03.08.2020

Bakı-Sumqayıt yolunda təmir işləri davam edir - Sulutəpə qəsəbəsi və Şamaxı yolu istiqamətindəki körpü genişləndirilir
20:56 03.08.2020

Ənənəvi yoxsa distant təhsil? - İbtidai təhsil ənənəvi qaydada keçirilməlidir
20:21 03.08.2020

Zərdabda 2 kiloqram marixuana müsadirə edildi - Narkotik tərkibli bitgilərə qulluq etdiyini etiraf etdi
20:14 03.08.2020

Türkiyəli həkimlər tovuzda - Şəhid ailələrinə qurban sovqatı paylanıldı
19:58 03.08.2020

Tovuzda karantin rejimi qaydaları pozuldu - Yas mərasimi keçirənlər, sürücü və sərnişinlər cərimələndi
19:36 03.08.2020

Karantin qaydalarını pozanlar saxlanıldı - Karantin keçid postlarını keçmək istəyən maşınlar geri qaytarıldı
19:21 03.08.2020

İkinci “Azərbaycan dili” imtahanında iştirak edənlərin nəzərinə - 14 avqust gecə saat 12.00-dək qeydiyyatdan keçməlidirlər
18:56 03.08.2020

Zaqatalada leysan yağışlar və güclü külək fəsadlar törətdi - Su xətti zədələndi, elektrik naqilləri, ağaclar qırıldı
18:36 03.08.2020

“Azal”dan açıqlama - Baki-İstanbul reysləri artırılacaq
18:21 03.08.2020

Karantin rejimi yumşaldılır - Avqustun 5-dən çimərliklər açılır, SMS icazə ləğv edilir
18:20 03.08.2020

UFC-yə rəsmi etiraz məktubu göndərildi - Qanunsuz rejimin qondarma bayrağının qaldırılmasına imkan verildiyinə görə
17:54 03.08.2020

Avstraliyada təbii fəlakət rejimi - Melburnda koronavirusa görə karantin rejimi sərtləşdirilir
17:21 03.08.2020

Cənubi Koreyada sel və torpaq sürüşməsi - 6 nəfər həyatını itirdi
16:56 03.08.2020

Virusa yoluxanların sayı 18 milyon 252 mini ötüb - Epidemiya qurbanlarının sayı 693 mindən çoxdur
16:36 03.08.2020

Əfqanıstanda partlayış - 20 nəfər dünyasını dəyişdi, xeyli sayda yaralı var
16:12 03.08.2020

Müəllimlərin işə qəbulu üzrə müsabiqə - 46 mindən çox namizəd müsabiqədə iştirak etmək hüququ qazanıb
15:58 03.08.2020

Paytaxtda sərnişin avtobusları toqquşdu - Sürücülərdən biri xəsarət aldı
15:36 03.08.2020

Oğuzda polis əməliyyat keçirtdi - Silahlı şəxslər müqavimət göstərdilər
15:14 03.08.2020

Göygöldə silsilə oğurluqlar edən iki nəfər saxlanıldı - Mağazalardan, evlərdən və avtomobillərdən oğurluq ediblər
14:58 03.08.2020

Heydər Əliyev fondunun qurban hədiyyəsi - Aztəminatlı ailələrə ərzaq yardımı paylanıldı
14:21 03.08.2020

Naxçıvan qarnizonu qoşunlarında yeni tədris ili - Yeni tədris dövrünün ilk məşğələləri keçirilir
13:21 03.08.2020

NASA astronavtları kosmosdan qayıtdılar - “Crew Dragon” Meksika körfəzində suya eniş etdi
12:58 03.08.2020

Dünyanın yarısını məhv edəcək qlobal fəlakət - Yaxın yüz ildə dünyanı sel basacaq
12:25 03.08.2020

Ermənistanın mənəvi prinsiplərə sayğısızlığı - İşğalçı ölkə islam dəyərlərinə qarşıdır
19:54 02.08.2020

Ölkədə 286 nəfər koronovirusa yoluxdu - 639 nəfər sağaldı, 8 nəfər vəfat etdi
19:21 02.08.2020

Toronto şəhərində təxribat - Bir qrup erməni 2 nəfər azərbaycanlıya hücum etdi
18:54 02.08.2020

Cəbhədə son durum - Düşmən atəşkəsi 41 dəfə pozub
18:36 02.08.2020

2 avqust milli kino günüdür - Azərbaycan kinosunun 122 yaşı qeyd olunur
18:12 02.08.2020

“Azəriqaz” İB-dən sosial aksiya - Vətəndaşların müraciətləri ödənişsiz təmin olunub
17:54 02.08.2020

Yoluxma sayları gün keçdikcə azalır - Müsbət dinamikanın davam etməsi üçün qaydalara əməl etməliyik
17:39 02.08.2020

Birlik və bərabərlik - Cəmiyyətimizə aşılanan dəyərlər
17:12 02.08.2020

Evdə nişan mərasimi keçirənlər saxlanıldı - Qaydaları pozan 7 nəfər cərimələndi
16:54 02.08.2020

Baş tutmayan ucuz niyyət - KTMT daxil bütün beynəlxalq ictimaiyyət Ermənistana dərs verdi
16:21 02.08.2020

Azərbaycan – Türkiyə birgə təlimləri - Təlimlərin növbəti mərhələsi keçirilib
15:56 02.08.2020

Ermənisayağı “hüquq müdafiəsi” - “Human Rights Watch”-ın “dərdi” bəlli oldu
15:21 02.08.2020

“Rusiya erməni təxribatını təhlil etməlidir” - “Ermənistanın regionda yürütdüyü siyasət Rusiyanın maraqlarına qarşıdır”
20:14 01.08.2020

XİN-dən açıqlama - “Qondarma qurumla görüş özünü aldatmaqdan başqa bir şey deyil”
17:58 01.08.2020

Ronaldo son matçda iştirak etməyəcək - Futbolçu "Qızıl Buts" mükafatına namizəd olmayacaq
17:36 01.08.2020

Millidə daha bir italyan - Baş məşqçinin daha bir köməkçisi məlum oldu
17:15 01.08.2020

Daha 279 nəfər koronovirusa yoluxdu - 592 nəfər sağalıb, 6 nəfər vəfat edib
16:58 01.08.2020

Azərbaycan-Türkiyə birgə təlimləri davam edir - Naxçıvanda taktiki uçuş, taktiki atışlı təlimlər keçirilib
16:36 01.08.2020

Koronavirusa yoluxanların sayı azalır - Təcili tibbi yardıma edilən zənglər 30 faiz azalıb
16:15 01.08.2020

Meydanda tək qalan Ermənistan - Təcavüzkar siyasətin nəticəsi
15:58 01.08.2020

ABŞ-da polis zorakılığı - Keçmiş diplomat: “hər bir amerikalı bunu görməlidir”
15:36 01.08.2020

Bu gün Azərbaycan dili günüdür - Azərbaycan Əlifbası günü 2001-ci ildən qeyd edilir
15:14 01.08.2020

Siyəzəndə dəhşətli yanğın ölümlə nəticələndi - Hadisə Siyəzənin Sədan kəndi ərazisində qeydə alınıb
14:58 01.08.2020

Qanunsuz ət kəsimi ilə məşğul olan 7 nəfər saxlanılıb - Onlar barəsində protokol tərtib edilib
14:36 01.08.2020

Ağdaşda reyd keçirildi - Qurbanlıq heyvanların qanunsuz satışı və kəsimi ilə məşğul olan şəxs saxlanıldı
14:15 01.08.2020

Hikmət Hacıyevdən Ermənistanla bağlı açıqlama - Azərbaycanın uğurları Ermənistanı narahat edir
13:59 01.08.2020

Virusa yoluxanların sayı 17 milyon 990 mini ötüb - Epidemiya qurbanlarının sayı 683 mindən çoxdur
13:36 01.08.2020

Rusiyada beynəlxalq uçuşlar bərpa edildi - Turistlər hələlik üç ölkəyə səfər edə biləcək
13:14 01.08.2020

Almaniyada bank şöbəsinə hücum - 12 nəfər xəsarət aldı
12:59 01.08.2020

Portuqaliyada dəmiryol qəzası - 2 nəfər ölüb, 40-a qədər sərnişin yaralanıb
12:36 01.08.2020

Braziliya prezidenti insanları qorxmamağa çağırdı - “Demək olar ki, hamı yoluxacaq”
12:25 01.08.2020

Rusiyada yaşayan erməni əsilli jurnalist Paşinyana hiddətləndi - “Hansı üzlə Rusiyadan kömək istəyirsiniz?”
23:58 31.07.2020

Prezident İlham Əliyev İran İslam Respublikasının Prezidenti Həsən Ruhaniyə zəng edib
23:41 31.07.2020

İran razılıq verdi - Vurulan təyyarəyə görə təzminat ödəniləcək
23:36 31.07.2020

ABŞ-dan İrana sanksiya xəbərdarlığı - Xamneyi: “Vaşinqton İran iqtisadiyyatını çökdürmək niyyətindədir”
23:12 31.07.2020

Tramp fikrini dəyişdi - “Seçkilərin gecikməsini istəmirəm”
22:54 31.07.2020

Rusiya hərbçiləri Ermənistanda təlimlərə başladı - Manevrlərə 4 mindən çox hərbçi cəlb olunub
22:39 31.07.2020

Təlimlərdə iştirak edənlər üçün bayram keçirilib - Qurbanlar kəsilib, xidmətdə fərqlənənlər mükafatlandırlıb
22:21 31.07.2020

318 nəfər koronovirusa yoluxdu - 714 nəfər sağaldı, 7 nəfər vəfat etdi
21:57 31.07.2020

Prezident İlham Əliyev Sərəncam imzaladı
21:36 31.07.2020

Hacıqabulda meyiti tapılan qadının qətlə yetirildiyi məlum olub - Qətldə şübhəli bilinən 1 nəfər saxlanılıb
21:14 31.07.2020

Helsinki yekun aktının 45-ci ildönümü - Xarici İşlər nazirliyi bəyanat yaydı
20:54 31.07.2020

Ağstafada avtomobil qoyunlara çırpıldı - 20 baş qoyun tələf odu
20:36 31.07.2020

Polis əməliyyat keçirdi - İstixanada narkotik becərən şəxs tutuldu
20:34 31.07.2020

Heydər Əliyev fondu aztəminatlı ailələri sevindirir - 100 mindən çox ailəyə qurban payı verilir
20:14 31.07.2020

Los anceles polisi erməni yalanalarını ifşa etdi - Ermələrin bu dəfə ki, yalanı da baş tutmadı
16:58 31.07.2020

Cəlilabadda minik avtomobili traktorla toqquşdu - Sürücü hadisə yerində keçindi
16:39 31.07.2020

Bayram namazı qılındı - Pandemiya ilə əlaqədar insanlar namazı evlərində qıldılar
16:21 31.07.2020

Ağdaşda iki avtomobil toqquşdu - Sürücü öldü, sərnişin xəsarət aldı
15:58 31.07.2020

Bütün xəbərlər